Profil Pengusaha (Autobiografi)

Kober-kobere Ngopeni pecahan kaca

Kawiwitan buka usaha kerajinan babagan pecahan kaca, Bapak Dodik junaedi kang akrab diundang dodik kuwi duweni ide seko gempa Yogyakarta tanggal 26 Mei 2006. Akeh omah-omah kang kacane pecah , kepiye carane bapak kang akrab diundang bapak Dodik mau ndadeake kaca pecahan mau dadi barang kang dueni aji ora mung dadi barang kang dibuang ora ana gunane. Sakdurunge babagan kaca bapak iki mau wes due usaha babagan kerajinan uga ananging ora gawe dewe namung tuku lan didol meneh ing Bali kono. Sawise bom Bali kadadean usahane mau bubrah kabeh, deweke wedi manggon ing Bali lan bali meneh ing tlatah asale yaiku Yogyakarta. Sawise gulung tikar bapak Dodik madege usaha kerajinan uga nanging saka rotan lan bambu, usaha iki mau ora payu amerga uwes okeh kerajinan kang saka barang rotan lan bambu. mikir lan mikir pungkasane oleh ide babagan kaca kang nganti seprene dadeake keluargane luwih saka kecukupan.

Pisanane bapak dodi kang duweni gelar sarjana S1 Ekonomi ing Universitas Muhammadiyah Solo mau ora duwe pikiran babagan kerajinan iki mau, dewekke kepingin dadi uwong kang pas karo jurusane, ananging kerja melu uwong kwi dirasake jenuh karo bapak kang duweni putra 3 iki mau, mulane kepiye carane buka usaha meneh. pakaryan iki mau lumaku kurang lancar, eneng wae siji-sijine kang ora mantep neng ati, endi sing ora apik motive, lan uga ana sing leme ora kraket. Nanging kekurangan iki mau ora langsung dadeake patah semangat, barang kang dirasake kurang mantep kuwi mau didol ing sentra kerajinan Kasongan, Bangunjiwo, Sewon, Bantul , Yogyakarta. Deweke nyewa kios kang ora jembar dinggo dodolan.

Liya dina ana turis mancanegara saka India mampir ana ing kios Kasongan, turis mau ngenei kritikan babagan kerajinan saka kaca kang kurang apek. Turis saka India iku seneng karo ide kerajinan kang digawe bapak Dodik, miturute kerajinan iki durung ana kang gawe lan duweni seni dhuwur. Mila, turis mau ngenei lebonan babagan supaya kerajinan mau mantep lan sampurna.

Pemasaran tekan Afrika Selatan.

Peamasaran kerajinan kaca mau dikirim tekan mancanegara, rutin ngirim lan okeh pesenan yaiku saka Afrika Selatan. Okeh wong Afrika padha seneng kerajinan iki amerga duweni ciri khas lan warna-warna mbiyayah. Ameh saben 2 minggu pisan trek kontenairan kirim menyang mancanegara pesenan. 2minggu pisan kirim iku luweh saka cukup anggone panguripan. Kerajinan kaca kang duweni seni inggil lan desain kang endah kuwi mau digawae saka Kaca salebaran kang ora duweni sifat endah kuwi mau iso disulap dadi barang kang duweni aji dhuwur, kapisan kaca dicat maneka warna jumbuh kaliyan pesenane, kaca mau dipepe sawise garing kaca mau diketok cilik-cilik nganggo potongan kaca lan ditempleke nganggo lem ana ing guci, meja, kaca rias, uwong-uwongan toko, vas kembang, kotak tisu lan liyan-liyane barang kang duweni guna ing panguripan. Sawise ditemplekke ing gerabah, kaca mau didempul nanggo semen lan dikosoki nganggo bio ngasi kimpling lan siap dikirim menyang mancanegara.

Regane bersaing

Bapak dodik kang duweni usaha kerajinan pecahan kaca ora mung piyambake sing buka usaha babagan iku malah sawise usaha kaca sukses okeh sing madege kerajinan kang sami ugi. Nanging kanggone bapak dodik kwi mau ora dadi ngapa. Rejeki wis ana sing ngatur. Kerajinan kaca nggone bapak dodik iki paling pambarep muga kualitase uga luwih apik lan regane ya lumayan kacandak. Malah saiki bapak dodik iso bukak lapangan pakaryan kanggo tangga tepalih kang omahe cedak saka gudang sing madeg ing Rejodadi, Ngestiharjo, Kasihan, Bantul. Karyawan kang ngewangi pegawenan mau jumlahe kurang luwih 50 wong. 24 tenaga harian lan 26 tenaga borongan.

Harapan kanggo usahane iki pak dodik nduweni pengarepan supaya usaha kerajinane iki bisa luwih maju lan bisa terkenal ora mung nang daerah nanging uga mancanegara. Lan usahane iki bisa nyukupi kabetahan keluargane, yen bapak dodik uwes sepuh pengarepe pak dodik anak-anake bisa nerusakke usahane iki lan bisa luwih maju aja nganti usahane iki mandek amarga okeh saingan-saingan. Bapak dodik uga pengen  nduweni kios-kios kerajinan kaca iki ora mung nang bali ananging uga nang Negara-negara liane.